12 BAGONG CLASSROOMS NG GORDON COLLEGE, PINASINAYAAN

RIBBON CUTTING CEREMONY: Pinangunahan ni Mayor Bong Gordon ang pagpapasinaya sa labindalawang (12) bagong classrooms ng Gordon College nitong ika-13 ng Hunyo 2006. Katuwang ni Mayor Gordon sa Ribbon Cutting Ceremony sina First Lady Anne Marie Gordon, Kgd. Elmo Aquino at Kgd. Ed Piano, Gordon College President Arlida Pame, OIC City Health Head Arnildo Tamayo at ilang barangay Captains.

Pinasinayaan ni Mayor James “Bong” Gordon Jr. ang labindalawang (12) bagong mga Classrooms para sa Gordon College nitong Hunyo 13, 2006.

Ang mga bagong tayong mga kwarto ay ginawa para ma-accommodate ang lumalaking populasyon ng paaralan. Sa halip na gumamit ng sementong istruktura, ginamit ng Gordon College ang moderno, murang de-kalidad na pre-fabricated Vaz-Built buildings na itinayo sa bakanteng lupa sa likod ng main building nito. May apat na matatayog na bagong tayong mga building na bumubuo sa 12 classrooms na magagamit ng mga mag-aaral para sa iba’t-ibang subjects sa kolehiyo.

“Prayoridad ng lokal na pamahalaan ang edukasyon. Ito ang daan para makapag-produce tayo ng mga de-kalidad na mga mamamayan na magtataguyod ng kinabukasan ng ating lungsod. Kaya nga’t patuloy ang pagbibigay ng subsidy sa Gordon College para matugunan ang pag-aaral ng mga kabataan at hindi na kailangan pang mangibang-lugar para sa kanilang pagkokolehiyo,” pahayag ni Mayor Gordon.

Dumalo rin sa inagurasyon si First Lady Anne Marie Gordon, ang mga City Councilors, Barangay Captains, Board of Trustees ng Gordon College at ang mga Faculty and Staff.

Ang Gordon College na nasa ikapitong taon na ng pagbibigay ng kalidad na College Education sa mababang halaga sa lungsod ay kasalukuyan ng may populasyon na isang-libo’t limandaang (1,500) estudyante. Binubuo ito ng apat na Colleges kabilang ang Allied Medical Studies, Computer Studies, Business & Accountancy at College of Education.