James L. Gordon

JAMES LEONARD GORDON
The Millenium Hero, Born this day January 17

Maunlad. Malinis. Payapa. Ito ang Olongapo ngayon. Isang modelong lungsod na tinutularan ng ibang bayan sa Pilipinas.

Ang kasaysayan ng Olongapo ay inukit ng mga ginintuang pangarap at adhikain. Kaalinsabay nito’y mga hamon at balakid, luha at pagsisikap, upang sa bandang huli ay makamit ang bantayog ng tagumpay.

Kung anuman ang Olongapo ngayon ay siyang bunga ng mga binhing itinanim ng isang tao na buong giting na sinuong ang mga panganib, nagbuhis ng buhay upang maisakatuparan ang kanyang mithiin; nagbigay ng isang maganda at matatag na bukas sa sinilangang bayan ng kangyang minahal at pinaglingkuran ng buong katapatan.

Ito ay ang ama ng lungsod ng Olongapo: si James Leonard Gordon