Ex-cop itinumba

ISANG retiradong pulis ang napatay makaraang barilin sa bumbunan ng hindi pa nakikilalang suspect kamakalawa sa lalawigan ng Bataan.

Hindi na umabot nang buhay sa Jose Payumo Memorial Hospital ang biktimang si retired SPO4 Lamberto Bias, dating nakatalaga sa Subic Bay Metropolitan Administration Police, ng Barangay New San Jose, Dinalupihan Bataan.

Batay sa ulat na nakarating sa Camp Crame, ang insidente ay naganap dakong 4:45 ng hapon sa Barangay New San Jose, Bataan.

Nakatayo umano ang biktima sa nasabing lugar nang bigla na lamang dumating ang dalawang suspect na sakay ng isang motorsiklo at walang sabi-sabing binaril ito sa ulo.