OTMPS SA PAMUMUNO NI COL. AQUINO

Itinalagang ‘’acting chief’’ ng Office of Traffic Management and Public Safety (OTMPS) si PNP retired Col. Jose Aquino, Jr. ni Olongapo City Mayor Bong Gordon noong ika-16 ng Agosto 2007.

Ayon kay Aquino, sa kanyang pagkakaluklok bilang ‘’acting chief’’ ng OTMPS ay magsasagawa siya ng reporma sa kanilang tanggapan kasama na ang mga kawani nito.

Layon ng nasabing reporma na lalo pang mapaigting ang serbisyong hatid ng kanilang puwersa sa pagsasaayos ng trapiko at maging ang kasiguraduhan sa kaligtasan ng mga mamamayang Olongapeño.

Binigyang diin rin ni Aquino na ang pinaka-epektibong paraan upang solusyunan ang suliranin sa trapiko ay ang pagkakaroon ng disiplina hindi lamang sa tsuper kundi maging sa mga tao, ‘’pedestrian’’ at mga ‘’vendors’’ na rin.

‘’Hindi lumalaki ang ating mga kalsada. Discipline among ourselves is one way to minimize problems in traffic,’’ wika ni Col. Aquino.

Samantala, naitalaga naman na Senior Deputy Chief for Administration si Jose Ramos habang Deputy Chief for Public Safety and Special Concern si retired Captain Camilo Pablo.

Patuloy pa rin ang kampanya ng OTMPS laban sa mga ‘’motor bikers’’ na hindi nagsusuot ng ‘’helmet.’’ Ito ay upang maiwasan ang anumang disgrasya na maaaring makamit ng sinumang nakasakay sa ‘’motorbike’’ na walang suot na ‘’helmet.’’

Pao/jms