PAGKAMATAY NG MGA MANGGAGAWA GINUNITA SA OLONGAPO

Olongapo City- “ Jobs should provide workers with a living—not cause deaths”, ito ang mensahe ng mga mangagawa, NGO’s, people’s organization at progresibong mga pulitiko na dumalo sa paggunita ng International Memorial Day for Dead and Injured Workers sa Olongapo City kahapon.

Sa mensahe ni Atty. Ernesto Arellano, National President of the National Union of Building and Construction Workers, binigyan niya ng diin na mahalagang ipagdiwang gunitain ang araw na ito sapagkat meron ng 2 milyong manggagawa ang namatay, 1.2 milyong ang nasugatan at 160 ang nagkasakit taon-taon sa buong mundo dulot ng hindi ligtas na kalagayan sa trabahop.

Ang pag-gumita ay ginanap sa lunsod ng Olongapo upang bigyan halaga ang kalagayan ng mga manggagawa sa loob ng Korean-owned Hanjin shipbuilding company sa Subic.

“Ang pangakong trabaho dulot ng pagtatayo ng Hanjin sa Subic ay nagdulot ng di maayos na kalagayan sa ating manggagawa, pagkamatay ng mga mangagawa bunsod ng tahasang paglabag ng dayuhang kumpanya sa batas ng paggawa, sa kalusugan at kaligtasan ng mga manggagawa”, pahayag ni Ruben Gaduang, Chairperson ng Kilusan para sa Pambansang Demokrasya (KPD).

Ayon kay Task Force Chairman Ramon Lacbain, ang pagkamatay ng mga manggagawa sa kumpanyang hanjin ay dulot ng ibat-ibang uri ng paglabag sa “Occupational Health and Safety standards” na pinatunayan ng notice of violations na inihain ng SBMA sa Hanjin. Ayon sa kanya, may 11 na ang namatay sa hanjin mula lamang noong 2007 hanggang March 2008, hindi pa kasama dito ang mga nasugatan at ang mga hindi nai-record.

“Because of Hanjin 450 families were displaced from from their home in Sitio Agusuhin. While they are building plush luxury condominiums for Koreans, the displaced families are languishing in sub-humane living condition. If Hanjin can subject its workers to precautious conditions, then it could tolerate the inhumane treatment of those displaced its operations,” dagdag pa ni Lacbain.

Nanawagan naman si AKBAYAN Representative Risa Hontiveros- Baraquel sa kanyang mga kasamahan sa kongreso sa umalalang kalagayan ng pagwawalang bahala sa kalusugan at kaligtasan ng mga manggagawa sa hanjin. “it is extremely appalling that Filipino workers are subjected to such danger by a foreign company enjoying the graces of Malacanang.” Diin ni Hontiveros.

Ang kongresista ng AKBAYAN ay nag-file ng Resolution 430 para sa pagsisiyasat ng kalagayan ng mga manggagawa sa Hanjin. Siya rin ay nag file ng House Bill 2453 upang limitahan ang sub-contracting ng labor sa 10% ng kabuan ng workforce ng kumpanya. “ we strongly believe that almost 90% of workers are sub-contracted and Hanjin uses this as an excuse when accidents happen. They pass on the responsibility to the sub-contractors by simply claiming that it is sub-contractors’ fault and not theirs.” Pagpapaliwag ni Hontiveros.

Naging madamdamin at puno ng galit sa Hanjin ang mga mensaheng binigkas ni Leticia Grateja Loquinario, ina ng mangagawang namatay sa hanjin na nagsampa rin ng kadong kriminal laban sa Hanjin at sa DMK sub-contractor ng Hanjin. “Napakabait ng anak ko upang dumanas ng walang katarungang kamatayan sa kumpanyang Hanjin, ilan pa ang buhay na mawawala dahil sa kanilang kapabayaan, hindi kayang bayaran ang buhay ng anak ko.. ang kailangan naming ay katarungan!” habang umiiyak na bigkas ni Mrs. Loquinario.

Ang grupo ay ngsagawa ng “symbolic candle lighting ceremony” upang alalahanin ang lahat ng namatay at nasugatan sa paggawa. “This should be a reminder of the pressing and urgent need for government and employers to take the health and safety of workers seriously. We cannot allow our labor force to continue to suffer because of dangerous work and dangerous workplaces. Deaths in the workplace must stop now,” pagwawakas na pananalita ni Atty. Arellano.

A symbolic candle lighting ceremony to commemorate those who have perished and have been injured in the workplace culminates the commemoration of the International Worker’ Memorial Day in Olongapo City yesterday. (L-R) Chester Amparo, Secretary-General of the Shipyard and Construction Workers’ Association; Atty. Ernesto Arellano, National President of the National Union of building and construction Workers; AKBAYAN Representative Riza Hontiveros-Baraquel; Task Force Hanjin Chairman Ramon Lacbain II; Ruben Gaduang, Chairperson of Kilusan para sa Pambansang Demokrasya (KPD); Leticia Loquinario,mother of dead Hanjin worker Reynan Loquinario and Mrs. Adamos, mother of Jeremias Adamos , victim of explosion at Hanjin job site. ni Belen Quintana-Figueras