“ARTIFICIAL INSEMINATION’ PARA SA GOAT RAISING PROJECT NI MAYOR GORDON

Pinaigting ni Mayor James Gordon, Jr. ang pamamaraan ng pagpaparami ng kambing sa kanyang “goat-raising project”. Ito ay sa pamamagitan ng “artificial insemination”.

Katuwang ni Mayor Gordon sina City Veterinarian Dr. Arnold Lopez at Acting City Agriculturist Jhobal Sebarrotin sa pagpapatupad ng bagong sistema.

Nagsimula ang “goat raising project” ng nakaraang taon kung saan siyam na babaeng Aeta ng Sitio Mampueng, New Cabalan ang binigyan ng pagkakataong mag-alaga ng kambing.

Pinaplano ng pamahalaang lungsod ang pagpaparami ng kambing at gatasan ang mga babaeng kambing kapag nasa tamang edad na ang mga ito. Sinabi ni Mayor Gordon sa “flag raising ceremony” nitong ika-19 ng Enero 2009 na ang gatas ng kambing ay mas maige kaysa gatas ng baka dahil ito’y walang “lactose intolerance.”

Ayon sa pananaliksik, “goat milk has a more easily digestible fat and protein content than cow milk. Goat milk tends to have a better buffering quality, which is good for the treatment of ulcers.
Goat milk can successfully replace cow milk in diets of those who are allergic to cow”.

Ang makikinabang sa proyektong ito ay ang mga barangay na lubos na nangangailangan ng suportang pinansyal.

Plano ng punong lungsod na isulong ang proyektong ito upang ma-establish ang “goat breeding farm” at maging “source of income” ng mga Olongapeño.

Ang gatas ng kambing ay ginagawa ring keso, butter, ice cream, yogurt, candy, soap at iba pang “body products.”

Hangarin ni Mayor Gordon na makapagtaguyod ng marami pang “ livelihood projects” para sa mga taga- Olongapo.


PAO/nmm