GORDON GOODWILL GAMES for R.A.C.E. (Responsive, Accessible, Courteous and effective Public Service)

Nasa kasagsagan na ang paghahanda ng pamahalaang lungsod para sa 3G (Gordon Goodwill Games) na nakatakdang ilunsad sa Marso 26, 2011, Sabado.

Ang City Sports at Youth Development Office (CSYDO) kasama ang Personnel Office ay naglalayong magtatag ng malakas at matagumpay na relasyon para sa mga kawani sa pamamagitan ng sports batay na rin sa programa ni Mayor James "Bong" Gordon, Jr.

"Inaasahang sa pamamagitan ng torneo ay maitataguyod ang pakikipag-kaibigan, sportsmanship, pagpapahalaga sa pangangatawan at personal na kaayusan sa bawat empleyado," ayon kay Ryan Marvin S. Mabeza, hepe ng CSYDO.

"Lahat ng contractual at permanenteng empleyado ng Olongapo City hall na kabilang sa 2011 List of Employees ng Personnel Office ay maaaring lumahok," sinabi ni Angie Socorro S. Barroga ng Personnel Office.

Ang mga nais lumahok sa aktibidad ay maaaring magsumite ng Registration/Roster Form bago o sa Marso 03, 2011 o tumawag sa numero bilang 0999-719-1219.

Pao/fr/