TAX PAYERS’ LOUNGE

‘’Ang mga Tax Payers’ ng Olongapo ang direktang nagpapasok ng income sa lungsod kaya dapat lamang na ibigay natin sa kanila ang magandang serbisyo,’’ yan ang wika ni City Mayor James ‘’Bong’’ Gordon, Jr.

Kaugnay nito ay ginagawa na ang ‘’Tax Payers’ Lounge’’ sa City Hall na target na mabuksan sa publiko sa buwan ng Agosto 2007.

Sa bagong ‘’Tax Payers’ Lounge’’ ay maglalagay ng dalawang (2) malalaking air-conditioning units, chairs at tables, reading materials at malaking television set para sa komportableng pag-hihintay ng mga payees.

Dito ay maaaring magbayad sa kuryente, sedula, lisensya, business permit at iba pang government obligations. Ang waiting area ay may laking 6 x 12 meters na maaaring maka-accommodate ng mahigit isangdaang (100) katao.

Sa ngayon ang dating waiting area sa Treasury Office ay pansamantalang inilipat sa dating PHILHEALTH Office window na matatagpuan pa rin sa 1st floor ng City Hall.



Ang isinasagawang konstruksyon ng TAX PAYERS’ LOUNGE sa City Hall. INSET: Pansamantalang inilipat ang lokasyon ng pagbabayad sa pay window ng PHILHEALTH Office sa 1st Floor ng City Hall.


Pao/rem