MIDWIFERY GRADS NG GORDON COLLEGE, WORLD CLASS

Dinaluhan ni Mayor James “Bong” Gordon, Jr. ang 5th Pinning and Candlelighting Ceremonies ng College of Allied Medical Studies – Midwifery Program ng Gordon College nitong ika-14 ng Agosto.

Sa pangunguna ng pamunuan ng Gordon College ay matagumpay na naisagawa ang seremonya ng pagtatapos ng limampo’t pitong (57) midwifery graduates sa Olongapo City Convention Center.

Kaugnay nito ay ipinahayag ni Mayor Bong Gordon ang kanyang mainit na pagbati sa mga nagsipagtapos kalakip ang hamon na tuparin ang isinasaad ng tema ng seremonyang “ Fighting for Global Excellence in Midwifery Profession”.

Tiniyak naman ni Mayor Gordon na bagama’t ilang taon pa lamang ang Gordon College ay mayroon na itong magandang reputasyon sa paghuhulma ng mga estudyante upang maging mga “de-kalidad” na propesyunal.

Sinabi pa ng City Mayor na kaakibat ng kolehiyo ang City Government sa patuloy na pagpapatatag ng Gordon College.

“We will produce world-class graduates!” wika ni Mayor Gordon sa kanyang inspirational message.

PAO/jpb