TAX PAYERS’ LOUNGE, MATATAPOS NA

Nasa siyamnapung (90) por-sientong tapos na ang konstrusyon ng Tax Payers’ Lounge sa City Hall na bubuksan sa buwan ng Septembre 2007.

Ang Tax Payers’ Lounge ay bilang pagbibigay-halaga ng Pamahalaang Lokal ng Olongapo sa pamumuno ni City Mayor James ‘’Bong’’ Gordon, Jr. sa mga Tax Payers’ ng lungsod na patuloy na nagpapasok ng income sa lungsod.

Sa ngayon ay nasa finishing touches na ang lounge at kasunod na rito ang paglalagay ng dalawang (2) malalaking air-conditioning units, chairs at tables, reading materials at malaking television set para sa pagka-komportable ng mga payees habang naghihintay na makapagbayad ng ano mang bayarin.

Ang waiting area ay maaaring maka-accommodate ng mahigit isangdaang (100) kataong nagbabayad ng kuryente, sedula, lisensya, business permit at iba pang government obligations.

Sa ngayon ang dating waiting area sa Treasury Office ay pansamantalang inilipat sa dating PHILHEALTH Office window na matatagpuan pa rin sa 1st floor ng City Hall.

Nasa larawan ang malapit nang matapos na Tax Payers’ Lounge sa City Hall. Ang lounge na para sa kaginhawahan ng mga nagbabayad ay bubuksan sa mga Tax Payers’ ng Olongapo sa buwan ng Septembre 2007.

Pao/rem