AES handa na sa kontruksiyon ng Masinloc plant

AES handa na para sa kontruksiyon ng panibagong Masinloc power plant

Nagpahayag ng kahandaan ang mga opisyal ng Singapore-based AES Transpoer Pte. Ltd., sa pagpatayo ng isa pang Masinloc power plant sa Zambales upang madagdagan pa ang kinakailangang enerhiya ng bansa.

Ang AES ang nanalo sa bidding process para sa kontruksiyon ng isa pang 600-megawatt (MW) coal-fired electricity-producing facility kung saan nakapagtala ito ng $930 M na offer, pinakamataas na bid para sa nasabing planta.

Ayon kay AES President at Chief Executive Officer Paul Hanrahan sisimulan ang proyekto sa susunod na taon pagkatapos na maisaayos at makumpleto ang ginagawang rehabilitation works sa orihinal na Masinloc power plant.

Tiwalang tiwala naman si Pangulong Arroyo na kapag maisaayos na ang mga investments sa power sector ay makapag-akit pa ng mas maraming investors na magpapaunlad sa power market ng bansa.