BIYAYA PARA SA MGA UNIFORMED PERSONNEL

Pinangunahan ni Mayor James “Bong” Gordon, Jr. ang pagbibigay ng cash incentives sa mga uniformed personnel na nakabase sa Lungsod ng Olongapo nitong ika-20 ng Disyembre sa FMA Hall ng City Hall.

Personal na iniabot nina Mayor Gordon at Zambales Vice Governor Anne Marie Gordon ang extra pay sa mga kawani ng Philippine National Police (PNP), Bureau of Jail Management and Penology (BJMP), Bureau of Fire and Protection (BFP) at Philippine Army. Kabilang din sa mga nakatanggap ng insentibo ang mga reservists ng First Zambales Ready Reserve Army na pinamumunuan ni Mayor Gordon bilang battalion commander.

“Malaking pasalamat namin kay Mayor Gordon sa bonus na ibinigay niya sa amin. Sigurado na ang Noche Buena ng mga pamilya namin,” masayang wika ng isang pulis.

Samantala, hiningi ni Mayor Gordon ang suporta ng pinagsama-samang puwersa ng mga uniformed personnel na makipagtulungan sa lokal na pamahalaan sa patuloy na kampanya nito tungo sa peaceful and orderly Olongapo City.

“I hope that you will help the city government to ensure the security of our city especially in the forthcoming Christmas season and of course in the celebration of our fiesta,” pahayag ni Mayor Gordon. “We also have to protect our visitors because our tourism industry depends on them. Many tourists mean more income. More income means more government service towards a progressive Olongapo,” dagdag pa niya.

Gayundin, hinikayat ni Mayor Gordon na makibahagi ang bawat isa upang muling magkamit ng karangalan ang Lungsod ng Olongapo sa larangan ng peace and order.

PAO/jms