SEMINAR PARA SA MGA DRAYBER

Dumalo ang mahigit 150 na drayber ng mga pampublikong sasakyan sa Lungsod ng Olongapo sa pinakahuling “Defensive Driving Seminar” na isinasagawa ng Office of Traffic Management and Public Safety (OTMPS).

Ang seminar ay regular na isinasagawa ng nasabing tanggapan sa pangunguna ni Col. Jose A. Aquino at sa pangangasiwa nina Robert G. Gregorio, Special Operation/Assistant Training Officer at Allan P. Dancel, Deputy for Operation/ Training Officer.

Ayon kay Gregorio, “sa seminar na ito, muling naipapaalala sa mga drayber ang mga alituntunin na kailangang sundin upang maiwasan ang aksidente sa kalsada.”

Tinatalakay din dito ang mga nakapaloob sa City Ordinance No. 32 Series of 1983 o ang “Ordinance Providing for Comprehensive Zoning Regulation for the City of Olongapo” .na dapat nilang malaman at tandaan.

Sa isang malayang talakayan, hinikayat ni Dancel ang mga drayber na magbanggit ng mga ordinansa na sumasakop sa kanila. Ilan sa mga nabanggit ay ang tungkol sa tamang singil ng pamasahe sa traysikel, ang pagbibigay ng dalawampung porsiyentong diskwento sa mga estudyante at mga senior citizens, ang tamang kurtesiya at paggalang sa mga pasahero, malinis at maayos na pananamit, ang nakatalagang ruta na kanilang dapat daanan at pagsasaaayos sa mga istasyon o pila.

Naging panauhin sa seminar ang namumuno sa Olongapo City ID Center na si Benjamin “BJ” Cajudo. Ipinaalam niya sa mga drayber ang pagkakaroon ng bagong sistema sa ID at ito ay maari nang gamitin sa loob ng tatlong taon.

Ang seminar ay ginaganap tuwing Lunes, Miyerkoles at Biyernes na nagsimula noong Enero 26 hanggang Abril 24, 2009.

Nagbigay ng mensahe si Mayor James “Bong” Gordon sa mga drayber noong nakaraang “Defense Driving Seminar” na isinasagawa ng Office of Traffic Management and Public Safety (OTMPS).

PAO/ chay