BAGONG ABC PRESIDENT, OFFICERS, NANUMPA!

Isinabay sa isinagawang Flag Raising Ceremony nitong ika-13 ng Hunyo 2006 sa Rizal Triangle Covered Court sa harap ng mga opisyales at kawani ng lokal na pamahalaan ang panunumpa ng mga bagong pamunuan ng Association of Barangay Chairmen (ABC)- Olongapo City Chapter.

Iginawad ni City Mayor James ‘’Bong’’ Gordon, Jr. ang Oath-taking Ceremony ng mga duly elected officers and members of the Board of Directors ng City Liga of Olongapo na kinabibilangan nina:

President: Hon. Carlito A. Baloy
Vice-President: Hon. Napoleon F. Capistrano
Auditor: Hon. Rodolfo N. Vigo
Directors: Hon. Elizabeth P. Batapa
Hon. Gomercino B. Sundiam, Sr.
Hon. Benjamin A. Franco
Hon. Rolando B. Apalit
Hon. Rodrigo B. del Rosario

‘’Iisa lamang ang aking kahilingan sa labingpitong (17) barangay sa lungsod na sana tayo ay magkabuklod-buklod para sa ikauunlad ng Olongapo,’’ ibinigay na mensahe ng bagong halal na ABC President. ‘’Ang Lungsod ng Olongapo ay buo ang suporta sa mga bagong set of officers ng Liga,’’ pagbati ni Mayor Bong Gordon.

Samantala, si Kgd. Carlito Baloy ay uupo bilang kinatawan ng Liga sa Sanggunian nitong ika-14 ng Hunyo 2006. Layunin ng Liga ng pag-isahin ang mga nakatataas na pinuno ng barangay para sa mas matibay na samahan tungo sa iisang hangaring magkaroon ng mapayapang at nagkakaisang lungsod.

Ang paghirang sa mga bagong opisyales ay bunga ng isinagawang reorganizational meeting ng labingpitong (17) kasapi ng Liga ng barangay sa lungsod nitong ika-23 ng Mayo 2006 sa FMA Hall.

Olongapo City Public Affairs Office