BRGY. BARRETTO ‘WAGI SA 1st CANVASSING

Iniuwi ni Joleena Rose Snyder ng Brgy. Barretto ang titulong Ms. Korean Night na syang nakalikom ng pinaka-malaking halaga para sa ginanap na 1st Canvassing ng 2006 Search for City Fiesta Queen.

Batay sa 1st at 2nd counting ng 1st Canvassing ng 2006 City Fiesta Queen Tabulation Summary sa pangunguna ni City Accountant Dennis Martinez bilang chairman ng Board of Canvassers ay naitala ang sumusunod na ranking:

RANKING BARANGAY TOTAL AMOUNT
1 Barretto - - - - - - - - PHP 106,488.25
2 Kalaklan - - - - - - - -PHP 75,308.00
3 East Bajac-Bajac - - -PHP 54,544.50
4 Gordon Heights - - - PHP 22,113.50
5 Kalalake - - - - - - - - PHP 20,188.00
6 West Bajac-Bajac - - PHP 20,012.25
7 Mabayuan - - - - - - PHP 17,460.25
8 Asinan - - - - - - - - - PHP 15,450.00
9 Banicain - - - - - - - - PHP 14,545.00
10 New Ilalim - - - - - - PHP 13,345.00
11 New Cabalan - - - - - PHP 11,111.00
12 East Tapinac - - - - - PHP 10,950.00
13 Old Cabalan - - - - - PHP 7,225.00
14 Sta Rita - - - - - - - - PHP 6,660.00
15 Pag-asa - - - - - - - - PHP 6,615.00
16 Kababae - - - - - - - - PHP 3,400.00
17 West Tapinac - - - - - PHP 2,920.00
GRAND TOTAL - - - - - PHP 408,335.75

Target ng Committee na makalikom ng kabuuang 5 milyon upang higit na makatulong sa mga proyektong paglalaanan nito at ngayon pa lamang ay positibo nang naisasakatuparan ito sa pangunguna ni 2006 Executive Chair Anne Marie Gordon.

Sa mensaheng ibinigay ni Mayor Bong Gordon na nagbigay-pugay sa mga Koreanong nasa lungsod, sinabi niyang, ‘’Nagpapasalamat ako sa lahat ng ating Korean Friends na nasa lungsod ngayon kabilang na ang mga opisyales at kinatawan ng Hanjin Heavy Industries na nagtayo ng malaking kompanya na mangangailangan ng maraming manggagawang manggagaling sa Olongapo.’’

‘’Ang pondong malilikom sa City Fiesta ay malayo ang mararating dahil sisiguraduhin natin na malayo ang mararating nito. Mapupunta ito sa ating Philhealth, scholarship at livelihood programs,’’ dagdag ni Mayor Gordon.

Sa mensahe rin ng punonglungsod ay espesyal niyang binati si Chair Anne Marie Gordon sa maayos na pamumuno ng 2006 City Fiesta Executive Committee. ‘’Hindi ako nagkamali ng pagpili sa iyo,’’ wika ni Mayor Gordon.

Nagpasalamat naman si 2006 City Fiesta Executive Committee Chairperson Anne Marie Gordon na nagpahatid ng pasasalamat sa lahat ng mga tumumulong upang maisagawa ng maayos at makabuluhan ang 2006 City Fiesta.

Isa-isang inilahad ni Chair Anne Marie ang kahalagahan ng isinasagawang canvassing para sa benipisyo na laan sa ibat-ibang programa ng lungsod sa pamumuno ni City Mayor James ‘’Bong’’ Gordon, Jr. para sa kapakanan ng mamamayan.

Samantala, ang 2nd Canvassing ay isasagawa sa ika- 29 ng Nobyembre 2006 na may temang Chinese Night sa Olongapo City Convention Center, 3rd Canvassing, International Night sa Olongapo City Boardwalk at ang Coronation Night na may Filipiniana Theme sa Rizal Triangle Covered Court.