‘’SKILLS TRAINING CENTER’’

Sa inisyatiba ni City Mayor James ‘’Bong’’ Gordon, Jr. ay ginagamit nang Skills Training Center ang 3rd Floor ng City Hall na nagsisilbing classroom extension ng Gordon College para sa mahigit apat na libong (4,000) nakapag-tapos na ng welding training.

Ang Training Center na hinati sa dalawang (2) bahagi ay kinapapa-looban ng dalawang (2) Lecture Areas at Actual Training Area kung saan matatagpuan ang ibat-ibang makina tulad ng tatlong (3) Welding Machines, Automatic Cutting Machines at ang sampung (10) Virtual Machines na mahalaga upang masubok ang eye and hand coordination ng trainees.

Matatagpuan rin dito ang Gas Metal Arch Welding Machine na donasyon ng Hanjin Heavy Industries, Corp. (HHIC) sa Lungsod ng Olongapo upang higit pang mahasa ang kakayahan at talino ng mga sumasa-ilalim sa pag-aaral.

Matapos ang massive training na pinag-dadaanan ng bawat trainees ay agarang trabaho ang nag-aabang. Samantala marami na rin ang nabigyan ng pagkakataon na makapunta sa South

Korea para sa on-the-job training ng Hanjin upang higit pang magpakadalubhasa sa larangan ng ship building, welding at painting ng barko.

Ang training ay para sa lalaki at babaing nasa 18 hanggang 40 taong gulang na nais mapabilang sa malaking workforce na kinakailangan ng Hanjin Heavy Industries and Construction Co. (HHIC) samantalang nagbubukas rin ito ng pagkakataon sa mga trainees na makapag-trabaho sa ibang-bansa o maging sa pagbubukas negosyo kaugnay sa welding.

Sa mga nais pang suma-ilalim sa training, maaaring makipag-ugnayan sa Mayor’s Office o tumawag sa 222-2565, 222-2206 o tumungo sa Olongapo City labor Center na may telepono bilang 224-8390 loc. 4150


Pao/rem