KALIGTASAN NG MGA TAGA-OLONGAPO, TINIYAK NG PNP

City Public Affairs Office

Tiniyak ni Olongapo PNP City Director Flor Buentipo na nananatili silang nakaalerto at nangangalaga sa seguridad ng mamamayan ng Olongapo sa harap ng naganap na shooting incident sa Brgy. Barretto at rape-slay ng kabataan mula sa Subic Town na natagpuan sa Lubao, Pampanga nitong nakaraang week-end.

Ayon kay Col. Buentipo, may mga sinusundan nang leads ang PNP na posibleng magbunga sa pagkadakip sa mga salarin.

Gayunman, ani Buentipo, hindi muna maaaring ibunyag ang mga nalalaman ng pulisya kaugnay ng mga insidente upang hindi makagulo sa operasyon ng PNP.

‘’Huwag po sanang mag-alala ang mga taga-Olongapo dahil nahigpit po ang pangangalaga ng kapulisan sa kaligtasan ng mamamayan ayon na rin sa mahigpit sa kautusan ni Mayor Bong Gordon,’’ pagtatapos ni Buentipo.