93 GRADUATES SA COMPUTER

Inspirasyon at pag-asa ang iniwang mensahe ni City Mayor James ‘’Bong’’ Gordon, Jr. sa siyamnaput-tatlong (93) nagsipagtapos na mag-aaral ng Sta Rita Computer Learning Center.

‘’Matapos ang inyong computer training sa inyong barangay sana ay magamit ninyo ito upang makatulong sa inyong pamilya,’’ wika ni Mayor Bong Gordon.

‘’Maraming ibinibigay na libreng training ang ating pamahalaan kabilang na ang welding dahil maraming naglalakihang proyekto ngayon ang dumadating sa Subic Bay Freeport Zone (SBFZ) at Olongapo na ang prayoridad ay mga Olongapeño,’’ dagdag pa ni Mayor Gordon.

Ang graduation na isinagawa nitong ika-20 ng Oktubre 2006 sa Sta Rita Covered Court ay ang mga residente ng Brgy. Sta Rita na sumailalim sa walong (8) buwan na libreng computer training.

Sa mga nagsipagtapos si Lanny Villanueva, 73 years old ang naitalang pinaka-matanda na tumayong inspirasyon sa mga kapwa mag-aaral nito na nagpapakita na hindi hadlang ang edad sa taong may ambisyon.

Samantala, dumalo rin sa programa si Kgd. Bella Asunsion at Sta Rita Brgy. Capt. Gomer Sundiam kasama ang mga opisyales nito na nagwikang, ‘’Ang Computer Learning Center ay para sa mga residente ng Brgy. Sta Rita na nais mag-aral at matuto. Tumungo lamang kayo sa ating barangay hall at maging bahagi ng training’’