READY…GET SET…BONG!

Handa nang magtapatan ang mga pambatong manlalaro ng City at National Departments and Agencies kaugnay sa gaganaping Inter-Department Intramural Meet sa ika-9 hanggang 13 ng Abril 2007.

Ang malaking sport activity ng mga opisyales at kawani ng gobyerno sa Olongapo na tinaguriang ‘’Ready…Get Set…Bong!!! ay pangungunahan ni City Sports Coordinator Angie Layug sa atas ni City Mayor James ‘’Bong’’ Gordon, Jr.

Maliban sa basketball, volleyball, badminton, table tennis, chess at swimming ay hahataw rin ang mga kalahok sa dance sports katulad ng Rumba, Cha-Cha, Jive, Foxtrot, Waltz at Tango.

Bubuhayin rin ang mga ‘’Laro ng Lahi’’ kabilang na ang kadang-kadang, sack race, tug of war, obstacle course, patintero at hulihan ng biik challenge na sinasabing magiging highlight ng Ready…Get Set.. Bong!!

‘’Bagamat puno ng tension o stress ang mag-hapong pagtatrabaho ay kinakailangan rin ng mga kawani ng gobyerno ang maglibang at ito ay sa pamamagitan ng ibat-ibang sport events na batay sa kanilang hilig,’’ wika ni Mayor Bong Gordon.

Pangunahing layunin ng palaro na higit na paglapitin at buhayin ang ‘’sportsmanship’’ at panatilihin ang masigla at maayos na pangangatawan ng mga manggagawa sa gobyerno.