PARA SA MGA BAGONG HALAL: TRABAHO AGAD SA HULYO 1

OPISYAL NANG UUPO SA KANILANG MGA POSISYON ANG MGA HALAL NA OPISYALES NG PAMAHALAAANG PANGLUNGSOD SA HULYO 1 SA MULING PAMUMUNO NI MAYOR JAMES BONG GORDON JR.

Sa kanyang 2nd term bilang pinuno ng lungsod, makakasama ni Mayor Gordon sa paglilingkod si Vice-Mayor Cynthia Cajudo na syang mamumuno sa Sangguniang Panglungsod.

Kabilang naman sa bubuo sa bagong City Council sina Kgd. Gina Perez, Kgd. Marey Beth Marzan, Kgd. Edwin Piano, Kgd. Elmo Aquino at Kgd. JC Gordon delos Reyes kasama ang mga baguhang sina Ellen Dabu, Rodel Cerezo, Jong Cortez at Gie Baloy.

“Hindi natatapos sa pagkapanalo sa eleksyon ang responsibilidad ng isang opisyales ng bayan bagkus ang sukatan ng totoong pagkapanalo ay ang kalidad ng serbisyong kayang ibigay ng isang lider sa mamamayan, wika ni Mayor Gordon, wika ni Mayor Gordon.

“Obligasyon natin sa mamamayan ang mag-trabaho ng maayos at isakatuparan ang mga programang kailangan ng lungsod upang patuloy na maging progresibo ang Olongapo,” dagdap pa ni Mayor Gordon.