Tourism Summit, isasagawa

Kaugnay pa rin ng pagdiriwang ng World Tourism Day 2007, pangungunahan ng Olongapo City Tourism Office ang Tourism Summit sa darating na ika-25 ng Setyembre sa Olongapo City Convention Center.

Sa patnubay ni Mayor Bong Gordon, isasagawa ng Tourism Office ang half-day Tourism Summit na naglalayong mapag-usapan ang ilang puntos kung papaanong mapag-iibayo ang sigla ng turismo sa Olongapo.

Ilang dignitaries ang inimbitahan ng tanggapan para sa naturang summit, kabilang sina Department of Tourism Regional Director Ronnie Tiotuico; Robert Dean Barbers, General Manager ng Philippine Tourism Authority (PTA); Cebu Governor Gwendolyn Garcia at Eloy Pineda, Secretary General ng National Association of Independent Travel Agencies, Phil., Inc.

Inaasahan namang dadalo ang mga kinatawan mula sa mga academic institutions ng lungsod, professional organizations, Non-Government Organizations (NGO), police force at mga barangay officials upang sama-samang magsulong ng turismo ng Olongapo.

Ang Tourism Summit 2007 ay kasunod ng programang Citywide Clean-Up Drive ng Tourism Office sa ika-22 ng Setyembre 2007.

PAO/jpb