P287-M kita naitala ng Benguet Corp. noong 2007

UMAABOT sa P 287 milyon ang ‘net income’ ng Benguet Corporation nitong 2007, kumpara sa naluging P318 M noong 2006 at P270 milyon noong 2005.

Ito ay dahil na rin sa isinagawang reporma ng mga nangangasiwa sa operasyon at pagtanggal sa halaga ng ilang pag-aaring mineral.

Sa karagdagan, ang paglakas ng piso ang naging dahilan ng pagkakaroon ng ‘substantial foreign currency gains’, at maging ang pagbebenta ng ‘chromite sand fines’ ay malaki ang naitulong.

Isinulong din ng Benguet ang iba pang pangunahing proyekto sa minahan ng kumpanya, kung saan ay ikinukunsidera nila na magiging paborable sa kondisyon ng negosyo, ’di-lamang sa Pilipinas, kundi maging sa ibang bansa.

Kasunod ng pagsasama ng pondo mula sa ‘private placement’ ng ‘major stockholders,’ sinimulan ng Benguet noong kalagitnaan ng 2007 ang pagpapa-ayos ng ‘nickel property’ sa Sta. Cruz, Zambales, na inaprubahan ng ‘mineral production sharing agreement’ (MPSA), maging ng pamahalaan at insiyal ng Environment Compliance Certificate (ECC).

Ang Barangay Guisguis, ang siyang ‘host community’ ng proyekto, na sinag-ayunan naman ng Sangguniang Bayan ng munisipa-lidad ng Sta. Cruz at provincial government ng Zambales ang nasabing proyekto.

Ang permiso sa pagsisimula ng pagmimina ay inisyu ng DENR. At bilang preparasyon ng mining operation, ang lugar na inialok at port site ay isinaayos. Habang ang ‘commercial shipments’ ang tinatarget para sa 2nd half ng 2008.

Ang Benguet’s nickel project ay malaki ang naitutulong sa buwis, pag-angat ng ekonomiya, at pag-angat sa buhay ng mga lokal na residente.