CSWDO: Dumamay sa mga NA-Demolish

Agarang binisita ng Olongapo City Social Welfare Development Office (CSWDO) ang lugar ng Purok 7, Maliwakat, New Cabalan kung saan may tatlumpu’t limang (35) pamilya ang nawalan ng tahanannang isagawa na ang demolisyon ng mga kabahayan na na-squat sa nasabing lugar. Isinagawa ang demolisyon nitong ika-2 ng Agosto, 2005.

Bagama’t legal at naabisuhan ng maaga ang mga pamilya, ang araw na ito ay nagging kabigla-bigla pa rin sa mga nawalan ng bahay. Kasama si Sheriff Leandro Madarang, isinagawa na ang pag-aalis ng mga kabahayang yari sa kahoy at konkreto.

Bilang pagkalinga ng lokal na pamahalaan, tumungo ang ilang tauhan ng CSWDOsa pangunguna ng head nito na si Gene Eclarino, upang magbigay ng counseling sa mga apektado. Ipinaliwanag nila Eclarino ang kahalagahan ng pagtutulungan at pagkaka-isa ng pamilya sa panahon ng kagipitan. Bilang maliit din na tulong, nagpamigay sila sa 35 pamilya ng mga relief goods na mairaraos para sa 2 araw na pangangailangan.

“Narito kami para bigyan sila ng tulong sa pagkakataong ganito. Bagama’t short-term ang dala namingfood assistance, ang isinagawa namin ay para mapatatag ang kanilang kalooban.” Ani Eclarino.

Ang Barangay Chairman ng New Cabalan na si Alejandro Ubungen ay nag-alok namanng evacuation center sa kalapit na barangay outpost sa Maliwakat at ang palengke sa Purok 3 New Cabalan para sa mga pamilyang walang matutuluyan