‘GAPO LABAN SA ILLEGAL RECRUITERS

MAHIGPIT ANG KAMPANGYANG IPANAPATUPAD NI MAYOR JAMES “BONG” GORDON JR. LABAN SA MGA ILLEGAL RECRUITERS NA MAAARING DUMAYO SA LUNGSOD AT PAGSAMANTALAHAN ANG MGA MAMAMAYAN NA NAGNANAIS MAKAHANAP NG TRABAHO LALO NA SA IBAYONG DAGAT.

“Nararapat lamang na magtulong-tulong ang mamamayan at gobyerno na labanan at hulihin ang mga illegal recruiters dahil niloloko nila ang mga taong nagahahanap ng trabaho,”wika ni Mayor Gordon. “Kaya naman ang mga Olongapeños na nais maghanap-buhay lalo na sa ibang bansa ay pinapayuhang kumunsulta sa City Public Service Employment Office (PESO) upang makahanap ng legal na trabaho mula sa mga POEA-accredited agencies,” dagdag pa ni Mayor Gordon.

“Ang trabaho namin sa PESO ay makapagbigay ng pantay at lehitimong job opportunities sa lahat ng Olongapeños kaya naman sinisiguro ng aming departamento na legal at kumpleto ang mga dokumento ng recruitment agencies mula sa POEA o ng mga kompanyang naghahanap ng mga workers mula sa lungsod,” paliwanag pa ni delos Santos.

Para sa mga nais malaman ang mga bagong job openings locally at abroad, magsadya lamang sa PESO sa unang palapag ng Olongapo City Hall.

Sjd/pao