DEPARTMENT HEADS ATTEND ‘PURPOSE DRIVEN LIFE’ SEMINAR

Dinaluhan ni Mayor James “Bong” Gordon, Jr. at ng mga Department Heads ng Olongapo City Government ang isinagawang seminar on “Purpose Driven Life in Work Environment” sa pangunguna ng Joshua Ministries and Haven of Hope and Peace Center for Values and Leadership Development nitong nakaraang Agosto 11, 2007 sa Olongapo City Convention Center (OCCC).

Sa pakikipag-koordinasyon ng Joshua Ministries sa City Administration ay matagumpay na idinaos ang naturang seminar.

“Maganda ang seminar na ito para sa spiritual growth ng ating mga government officials,” saad ni Mayor Gordon patungkol sa seminar.

Naglaan naman ng isang buong araw ang mga kawani ng pamahalaan ng Olongapo upang makilahok sa Purpose Driven Life seminar mula ika- walo ng umaga hanggang ika-lima ng hapon.

May pitong bahagi ang seminar kung saan itinampok ang mga paksang: Session-1 “What Am I Here For?”, Session-2 “Planned for God’s Purpose”, Session-3 “Formed for God’s Family”, Session-4 “Created to become like Christ”, Session-5 “You are Shaped to Serve God”, Session-6 “You are made for a Mission”, at Part-7 “Life Purpose Statement”.

Ang nasabing seminar ay hango sa librong “The Purpose Driven Life” na isinulat ni Rick Warren na bumenta ng higit sa 20 milyong kopya sa buong mundo.



PAO/jpb