YOUTH EMPOWERMENT AT CHILD-FRIENDLY SYSTEM SA ‘GAPO, DINAYO

Sinalubong nina Olongapo City Administrator Ferdie Magrata, Sangguniang Kabataan Chairmen Chrissy Angeles ng Sta. Rita at Isagani dela Cruz ng Gordon Heights ang Lakbay-Aral delegation ng mga opisyales ng Sanggunian Kabataan sa pangunguna ni SK Chairman Jeralyn Piu na nagmula pa sa Sta. Rita, Samar kamakailan lamang.

Layon ng lakbay-aral na makakuha ng mga ‘’insights’’ patungkol sa mga programa ng Pamahalaang Lokal at Sangguniang Kabataan ng Lungsod ng Olongapo sa superbisyon at pag-alalay pa rin ni Mayor Bong Gordon hinggil sa pagbibigay atensyon at karapatan sa mga kabataan at mga bata na makilahok sa mga kaganapan sa lipunan.

Matatandaan na isa sa mga prioridad ni Mayor Gordon ay ang linangin ang mga kabataan at mga bata ng lungsod at ilayo sa anumang masamang bisyo na tiyak makasisira sa kanilang magandang kinabukasan. Katunayan nito ay ang nakailang ulit na isinasagawa nang mga ‘’sports tournaments’’ tulad ng ‘’basketball’’ at ‘’boxing’’ na nilahukan ng mga kabataan ng iba’t-ibang barangay sa lungsod at pinangasiwaan ng mga opisyales ng Sangguniang Kabataan.

‘’The youth and children are the hope of our country. We should train them from their early age to become a disciplined person in the future,’’ wika ni Mayor Gordon.

Pao/jms