Pagsisante sa mga kawani ng Legenda Casino, ilegal

Idineklara ng Korte Suprema na ilegal and ginawang pagsibak sa tungkulin sa pitong empleyado ng Subic Legend Resort and Casino sa Subic Bay Metropolitan Authority (SBMA), Subic Bay Freeport sa Olongapo.

Sa desisyon ng Supreme Court 2nd division, bigo and pamunuan ng Legend na patunayan na nagkaroon nga ng redundancy at lugi na and kanilang kompanya kaya kinailangang magbawas ng mga empleyado.

Sinabi ng SC na hindi man lamang nakapagpakita ng financial condition and Legend bago ipinatupad and retrenchment na nagresulta sa pagkakasibak ng may 34 na empleyado nito.

Paliwanag ng SC, hindi man lamang nailatag ng Legend and mga detalye kung paano at bakit nila ikinonsiderang unnecessary na ang posisyong ng mga nasibak.

Kasabay nito, pinagtibay ng SC and naunang hatol ng Labor Arbiter na nag-aatas sa pamunuan ng Legend and pagbabayd sa pitong nasibak na empleyado na umapela kaugnay ng kanilang back wages at iba pang benepisyo na kung susumahin ay aabot sa mahigit P2 milyon.