GAPO, NANALO SA PACONTEST NG CIVIL SERVICE

Alinsunod sa selebrasyon ng ika-108 taong anibersaryo ng serbisyong sibil, umani ng parangal ang ilan sa mga city government employees sa ginanap na Jingle contest, at slogan writing contest na ginanap sa Iba, Zambales Gymnasium nitong Setyembre 30, 2008.

Tumanggap ng unang parangal sa slogan writing contest si Arseny Alano Brade ng city personnel office sa slogan na nagsasaad na Republic Service: “ Sandigan ng Bayan, Katuwang sa Kagipitan, Kasangga Magpakailanman.”

Nakatanggap ng cash award na tatlong libong piso (P3,000) at Plaque of Appreciation si Brade.

Samantala,nasungkit nina Ronald Manila, Arzeny Alano, Imelda Abad, Marlon Bravo, Rizalino Jose, Rinarose Cajudo, Rosalia Varias, Gloria Gonzalvo, Rowel Castillo, Arlene Dave at Israel Dimalanta ang ikatlong pwesto sa Jingle writing contest na ginanap din sa magkasabay na araw at lugar. Dalawang libong piso (P2,000) at Plaque of Appreciation ang natanggap ng grupo bilang papremyo.

“ Napakaganda ng layunin ng civil service, “highlighting individual and collective efforts to be responsive to people’s needs and enjoining civil servants to take pride in the nobility of their profession despite challenging times, kaya naman natutuwa ako dahil ang mga empleyado ng city government, pati na rin ang mga mamamayan ng Olongapo, ay nakikitaan natin ng pagpupursige at pagsisikap na makaahon sa hirap ng buhay ,” ani Mayor Gordon.

“Kaakibat nito ang pagbibigay ng mga kapaki-pakinabang na programa tulad ng HELPS para makatulong ng lubos sa mga mamamayan ng Olongapo,” dagdag pa ni Mayor Gordon.

PAO/nmm